బొగ్గు నల్లగా ఉంటుంది. కానీ బొగ్గు కాలితే వచ్చే బూడిద తెల్లగా ఉంటుంది. ఎందువల్ల?

*🌑 బొగ్గు నల్లగా ఉంటుంది. కానీ బొగ్గు కాలితే వచ్చే బూడిద తెల్లగా ఉంటుంది. ఎందువల్ల?*

బొగ్గులో కార్బన్ కణాలుంటాయి. వాటి రంగు నలుపు. బొగ్గును కాల్చినపుడు ఆ కార్బన్ గాలిలోని ఆక్సిజన్తో కలిసి కార్బన్ డై ఆక్సెడ్ గా మారుతుంది. అలా అయితే, బొగ్గు పూర్తిగా కాలిపోతే ఆ ప్రదేశంలో మరేమీ మిగిలి ఉండకూడదని, ఒకవేళ పూర్తిగా కాలకపోతే కొన్ని నల్లని కార్బన్ కణాలు మాత్రమే ఉండాలని అనుకుంటాం. కానీ అలా జరగడం లేదు. ఎందువల్లనంటే, బొగ్గులో నల్లని రంగులో ఉండే కార్బన్ కణాలే కాకుండా కార్బన్, హైడ్రోజన్ కలిసి ఉండే హైడ్రోకార్బన్ సమ్మేళనాలు, పొటాషియం, కాల్షియం అల్యూమినియం లాంటి ఖనిజ లవణాలు కూడా ఉంటాయి. బొగ్గును కాల్చినపుడు కార్బన్ డై ఆక్సైడ్ ఏర్పడడంతో పాటు అందులోని హైడ్రోకార్బన్లు, హైడ్రోజన్, కార్బన్ లుగా విడివడతాయి. కార్బనేమో ఆక్సిజన్తో కలిసి కార్బన్ డై ఆక్సైడ్ వాయువుగా మారితే, హైడ్రోజనేమో ఆక్సిజన్ తో కలిసి నీటి ఆవిరిగా మారుతుంది. ఇక ఖనిజ లవణాలలోని ఖనిజాలు ఆక్సిజన్ తో కలిసి ఖనిజ ఆక్సెడ్లుగా మారుతాయి. ఈ ఆక్సెర్లు ఉష్ణం వల్ల సులభంగా విడివడకపోవడంతో తెల్లని పొడి (బూడిద) రూపంలో మిగిలిపోతాయి. ఒక్కోసారి కాలకుండా మిగిలిన కార్బన్ కణాలు, ఖనిజ ఆక్సెతో ఏర్పడిన తెల్లని బూడిదతో కలవడం వల్ల ఈ పొడి బూడిదరంగులో కూడా ఉంటుంది.