ఈజ్ ఆఫ్ డూయింగ్ బిజినెస్‌లో భారత్‌కు 63వ స్థానం

*🔥ఈజ్ ఆఫ్ డూయింగ్ బిజినెస్‌లో భారత్‌కు 63వ స్థానం🔥*

*🌏ఈజ్ ఆఫ్ డూయింగ్ బిజినెస్-2019 ర్యాంకుల్లో భారత్ 14 స్థానాలు ఎగబాకి 63వ స్థానాన్ని సొంతం చేసుకుంది.*

*🌏ఈ మేరకు ఈజ్ ఆఫ్ డూయింగ్ బిజినెస్‌కి సంబంధించి రూపొందించిన నివేదికను ప్రపంచ బ్యాంక్ అక్టోబర్ 24న విడుదల చేసింది. ఈ నివేదిక ప్రకారం ఈజ్ ఆఫ్ డూయింగ్ బిజినెస్ ర్యాంకుల జాబితాలో న్యూజిలాండ్ తొలి స్థానంలో నిలిచింది. న్యూజిలాండ్ తర్వాతి స్థానాల్లో సింగపూర్(2), హాంకాంగ్(3), డెన్మార్క్(4), కొరియా(5), అమెరికా(6) ఉన్నాయి.*

*🌏ప్రపంచ బ్యాంక్ నివేదిక-ముఖ్యాంశాలు*

*👉2019, మే 1తో ముగిసిన 12 నెలల కాలానికి మొత్తం 190 దేశాల్లో 10 వ్యాపార కార్యకలాపాల అమలు తీరును పరిగణనలోకి తీసుకుని ఈజ్ ఆఫ్ డూయింగ్ బిజినెస్ ర్యాంకులను రూపొందించారు.*

*👉అత్యుత్తమ పనితీరు కనబరిచిన టాప్-10 దేశాల్లో భారత్(తొమ్మిదో స్థానం) వరుసగా మూడోసారి స్థానం సంపాదించింది.*

*👉2019 ఏడాదికి టాప్ 10 పెర్‌ఫార్మర్స్ జాబితాలో భారత్‌తోపాటు సౌదీ అరేబియా (62), జోర్డాన్ (75), టాగో (97), బహ్రెయిన్ (43), తజకిస్తాన్ (106), పాకిస్తాన్ (108), కువైట్ (83), చైనా (31), నైజీరియా (131) ఉన్నాయి.*

*👉దివాలా, పన్నులు, ఇతర విభాగాల్లో చేపట్టిన సంస్కరణలు భారత్ పనితీరు మెరుగుపడటానికి దోహదపడ్డాయి.*

*🇮🇳భారత్‌పై ప్రశంసలు*

*🌏భారత్ చేపట్టిన సంస్కరణలపై ప్రపంచబ్యాంకు ప్రశంసలు కురిపించింది. ‘‘వ్యాపార నిర్వహణలోని టాప్ 10 దేశాల్లో భారత్ వరుసగా మూడోసారి స్థానం దక్కించుకుంది. గత 20 ఏళ్ల కాలంలో కొన్ని దేశాలు మాత్రమే ఈ ఘనత సాధించాయి’’ అని వరల్డ్ బ్యాంక్ డెరైక్టర్ ఆఫ్ డిపార్ట్‌మెంట్ ఆఫ్ ఎకనామిక్స్ సిమియన్ జంకోవ్ కొనియాడారు. వచ్చే రెండేళ్లలో టాప్ 50 వ్యాపార సులభతర దేశాల జాబితాలోకి చేరాలన్న భారత్ లక్ష్యానికి అనుకూలంగా ఇక్కడి వాతావరణం మారుతోందన్నారు.*

*👉ఈజ్ ఆఫ్ డూయింగ్ బిజినెస్‌లో భారత్ ర్యాంకు👇*

*🔹సంవత్సరం ర్యాంకు🔹*

2014 - 142

2015 - 130

2016 - 130

2017 - 100

2018 - 77

2019 - 63